Over 150 personar vart fenga av Ivar Aasen
 |
|
Markblomar i Iver-garden. |
Det har truleg aldri vore så mange i tunet i Iver-garden i Ramstaddal, som søndag 21.juni. Med godt ver, gode aktørar og mykje folk vart dette ein triveleg ettermiddag for dei frammøtte.
Kjell Løseth sine skildringar av botanikaren, diktaren og veslebroren til Ingeborg Melseth, stimulerte både til latter og ettertanke.
Det vart både plantar og ord i Ivar Aasen sine fotspor.
Ingunn Hole Hunnes deklamerte "Tausakjærings-Vise" frå "Fem Viser i søndre Søndmørs Almuesprog" (1842). Allsongen fekk tonefølgje av Knut Kjell Fure på trekkspel.
Turen til Løkedalsnakken vart krydra med natursti for borna og ordtak for dei litt større. Etter botanisk feltarbeid leia av Rolf Haxthow, vart det kaffimat og underhaldning på Løkedalsnakken. Mellom anna spela Per Svein Tandstad nokre tussefløytestubbar.
Frivilligsentralen stillte med Oscarbilen, som køyrde mange eldre opp til Løkedalsnakken.
