Utsjånad: Dompapen (16-17cm) er ein hekkande standfugl i Sykkylven. Er kompakt bygd med tyrenakke. Ganske tjukk kropp, relativt stort hovud og kort kraftig nebb. Hannen er lys raud på hals, bryst og buk, medan hofuglen gjev eit grålig inntrykk. Begge kjønn har eit breidt gråkvitt vingeband.

Levemåte: Hekkar i barskog og blandingsskog. Lett gjenkjenneleg grunna ein karakteristisk utsjånad. Vert ofte sett ved fuglenek og fuglebrett om vinteren.

Føde: Et ulike slags frø, knoppar og bær. Om sommaren tek den og ein del insekt. Det hjelper ungane å vekse raskt i reirperioden.

Hekking: Reirskål av kvister, fora med mose og gras, i busk eller tre. Legg 5-6 egg. Kan få 2 kull. Hekkeperiode April-Mai.

Lyder: Lokkelyd; låg, mjuk, klår plystring som fell i tonehøgde, pjuh - pjyu, Song; Ei fin blanding av lokkelydar og til tider låge gnissande og skrapande tonar.

På sida: Namnet kjem av at utsjånaden minner om dei raude draktene som middelalderens domherrrar (ty. Dompfaff) brukte. Visste du at dompap-par held saman heile året?

Tekst: Karl Johan Stadsnes.    
Kjelde: Hume 2002, Svensson m.fl. 1999, Brenden og Vedum 1998.
Foto: Lars Kapelrud/Birdview.