 |
Temakveld på Vårvon 15.mars - Månen og vêret
 |
Kåsør Ivar Hol.
Foto: privat |
Alle snakkar om vêret!
Torsdag 15.mars kl 19.00 inviterer museet og UL Samhald til temakveld i kjellaren på Vårvon i Straumgjerde. Denne gongen med Ivar Hol som kåsør. Lokale "vêrprofetar" slepp også til.
Den velkjende Ivar Hol i Vegvesenet har stor interesse for kunnskap om samanhengen mellom snøras og fjøre, korleis bønder og fiskarar kunne forutsjå vêret ved å sjå på månetenninga i almanakka og vêrteikn knytt til primstaven. I kåseriet fortel han om denne kunnskapen som m.a. byggjer på erfaringar frå fjellbønder i Storfjorden.
Kaffi og noko attåt, og sjølvsagt mykje prat om vêret! Velkomne!
Inngangspengar kr 75
Sopling-kurs
 |
Måndag 5.mars kl 18.00 kjem søskenbarna
Arne Ola Grimstad og Alv Ottar Folkestad og viser oss dette gamle handverket. Vi skal halde til på Aure skule, sløydsalen.
Påmelding innan 1.mars pr. e-post:
post@natur-museum.no.
Ver snar! Kun 15 plassar.
Dette vert garantert ein triveleg kveld, der alle blir hjelpt fram til ferdig sopling ("sopleng"/"sovl"/sopelime/feiekost av bjørkekvistar). Kjenner vi karane rett vert det lærerikt både for kropp og sjel!
Pris kr 250 inkl. kaffimat.
Ta gjerne med eit fång unge tette bjørkekvistar/bjørkerenningar og ein god kniv. Vi ordnar resten med diverse utstyr, hesjastreng, ekstra kvist, evt skaft, kaffi og noko attåt.
Å lage sin eigen sopling som kan stå på hyttetrappa eller heime, å kunne lage og gi bort ein sopling til kjende og kjære - det er vel stas! I følge pedagogane Arne Ola og Alv Ottar er dette også ein flott aktivitet med elevar.
NORGES RARASTE DYR PA ELVETUN
 |
Finnast heldigvis berre på teiknepapir - førebels! Vi har no kåra vinnarane i teiknekonkurransen som vart halde under Kompressordagane i november.
Og vinnarane er
Simone Tafjord (12 år), Mahmod i Grabstadhagen (12 år), Margit Vangen Tandstad (12 år) og Victoria Aurdal Brungot (4 år). Alle vinnarane får ein premie i posten. Premiane er Fuglekasse, og bøker om fuglar og sproteikn.
GRATULERER!
 |
